Panay Island Adventure Part 1 👈 👈 👈 👈
Panay Island Adventure Part 2 👈 👈 👈 👈
----------
This is part 3 of the Panay Island Adventure
----------
DAY 1
Pag abot namin halin sa Boracay, nag kaon anay kami sa Mang Inasal rapit sa terminal it Ceres sa Caticlan. Daw gin gutom tamon ran i it lagaw lagaw sa Boracay hay nag day trip lang bay kami rugto. Nami man raad mag overnight, pero hay gusto namon nga ma deretso sa Iloilo via kalibo para rugto lamang kami maturog kag mag pamasyar man ran i. Buhay ron bay ako owa kabalik sa Iloilo kag first time it kon sawa nga maka abot it Iloilo.
Naghalin ang Ceres sa Caticlan mga ala una i medya it hapon pa kalibo. Manami ron kadya magbiyahe hay duro guid tana ang mga sarakyan pa kalibo. Bisan ano nga oras sa aga duro ang mga bus nga naga biyahe kag manami ang dalan. Ang amon nga pleti pa kalibo P 121 pesos.
Ang Kalibo gale hay sikat sa Ati Atihan kada ikatlo ka Domingo sa bulan it Enero. Ang Ati Atihan dungug ran kay Sto Nino. Tapos duro guid tana ang naga sadsad ran palibot sa kalibo nga may mga drums kag lyre. Ang iba may suksok nga mga ibat iba nga color it native nga custome. Duro ang naagto mga mga turista ran halin sa ibat ba nga lugar para magsinadya sa Ati athihan.
----------
Nag pondo anay sa Kalibo ang ceres tapos nag diretso ron kami pa Iloilo. Ang pamasahe pa Iloilo, 270 pesos kada isa. Manami ang bus nga amon nasakyan pa Iloilo. May CR pa ra sa sulod it bus. Bisan nag stop over man it mga darwa ka beses.
Owa kami kaagi sa Roxas City hay medyo sulod bay tana ran kag indi maagyan pa Iloilo. out of the way guid.
Pag abot namon sa Iloilo it mga alas siyete it gabi i, nag dali dali kami nga nag taxi pa agto sa amon nga hotel rapit sa Jaro. Pag abot namon sa hotel, nag dalidali kami nga nag gowa. Kapoy guid kag gutom kami darwa it kon sawa sa biyahe. Mga halos anom ka oras ang biyahe namon halin sa Caticlan to Iloilo. Sakit tana amon buli pungko sa bus. Yamat ran!
Ginhagad ko kon sawa mag kaon sa Teds Lapaz batchoy rapit sa SM Iloilo sa Jaro. Kuon nanda, indi kompleto mong pag agto sa Iloilo kon indi kaw katiraw kaon it batchoy. Amo bay ran ang isa sa mga ginapabogal nga pagkaon nga naghalin kuno sa Iloilo.
Pagabot namon sa Teds, nag order kami it special batchoy kag puto. Abo...., namit guid ran i mag higop it mainit init nga sabaw. Kompleto rekados guid tana. May noddles, tapos may karne, may itlog, may atay, may dahon sibuyas, kag fried garlic. Ang nagdara sa tanan ang sabaw guid tana. Dumdom ko ang puto pang dinuguan lang. Nami man ta gale partneran it puto ang batchoy ngaran. Baw ah! Gusto ko raad mag order it isa pa ka batchoy. Galing hay daw gabii ron bay. Basi mabangungut kuno ako sa sobra it busog.
Tapos namon nag pa kodak pa kami sa gowa para sobenir ran i. tapos nag balik ron kami darwa sa hotel. Pahuway huway ron.
----------
DAY 2
Tang sunod nga adlaw, aga pa kami nag bugtaw hay adlaw it Domingo. Masimba kami sa Jaro Cathedral it mga ala sais imedya it aga. Manami guid raad kon naka agto kami it mga ala singko para maka attend kami it Hiligaynon nga misa para ma experience man kon sawa nga taga batangas ang misa sa Hiligaynon. Pero owa tamon kaabot to. Hay bay i lang. Sa sunod ron lang i kon makablik kami.
Sa desenyo palang it simbahan, maman an mo guid nga daan ang simbahan. Sa sulod, ang kada bahol bahol nga poste may kada isa nga nakabutang nga lake nga santo ( sa Molo kuno mga baye man nga mga santo ang nakabutang). Tapos ang lingganay nakabutang sa tupad kag tabuk it simbahan sa may Jaro plaza. Ang iba bay tana nga simbahan sa gilid tana ang lingganay. Pero sa Jaro nga simbahan amo tana ran.
Pagtapos namon mag simba nagsakay kami it dyip paagto sa La Paz Public market. Mangita roman kami it batchoyan ran i.
Pag abot namon sa may La Paz Market, nag kaon oman it Batchoy sa Nicks batchoy. Para ma iba man ran i. pag kaon ko it batchoy, hay daw indi ko guid ma pinsaran kon kay sin o ang manamit nga batchoy. Ang kay Ted or ang kay Nick. Daw parehas man ang timpla nanda. Tapos may isa pa nga bathoyan nga Netongs batchoy. Tanan sanda ran original kuno. Hay indi ko lang mamanaan kon sin o guid sa anda ang original, kag sin o kananda ang una. Ang kustomer lang siguro ang makuon kon kay sin o guid ang pinakamanamit nga batchoy.
----------
Daw owa pa kami matunawan it batchoy pa ngato, nag taxi oman kami pa agto sa Villa para sa amon kuno nga early lunch sa Tatoy restaurant, bago kami mag biyahe pa Antique. Layo man ta gale ang Villa ngaran sa Jaro. Rapit baybay ta gale ran. Nagtaxi lang kami hay di ko kamaan kun mag sakay kami it dyip. Peboreyt ko bay ang Tatoy ngaran, labi na guid ang andang native chicken lechon. Bata pa akon karan hay peboreyt ko ron dan bay.
Pag abot abo namon, daw owa pa it tawo kag daw bag o lang sanda kabukas man. Lapad ang restaurant. Pwede kaw mapili kon sa semento o kon sa may papag kaw sa baras mapungko. May payag man sanda sa pihay nga rapit it baybay. Pili kaw lang ran i kon diin kaw presko ma pwesto para nami mong kaon.
Nag order kami it darwa ka humay, native nga letson manok kag inihaw nga Sibingan or blue marlin. Manamit guid tana ang sibingan hay ma juicy ang ana pag ihaw tapos ang manok guin chop chop ron. Tapos may sawsawan nga tuyo kag kalamansi. Baw ah! Daw mabundat guid ko ba. Lamon eh. tapos may iba pa nga sura nga pwede mabakal sa tatoys. May Crispy Pata, may scallops, may bake kag steamed talaba, may crispy pata kag lechon baboy.
Ang sekreto ta gale tang native lechon ngaran, daw gina butang nanda ran sa ibabaw it dahon it sampalok. Amo gali ran nga daw humot gid tana ng hugom ngaran. Siguro may iba nga gin butang sa manok nga panakot pero mahugoman mo guid ang dahon it sampalok.
Pag tapos namin i kaon it amon ilabas nag dyip kami pa agto sa terminal it Ceres.
Maule ron kami sa Antique.
Duro pa nga picture sa idalom:
👇 👇
